Plantun de Prouvènço

Pèr coumpara dos planto d'encò nostre

Equisetum arvense & Tripleurospermum inodorum

Co-de-mandro

Equisetum arvense

Equisetaceae

Àutri noum : Coussaudo, Coua-de-cavau, Counsòudo, Couëto, Couëto-de-rat.

Noms en français : Prêle des champs, Queue-de-cheval.

Descripcioun :
Fai dos meno de tijo. A la fin de l'ivèr, n'en fai sènso clouroufilo que porto d'espigo de 1,5 à 5 cm, pièi au mitan de la primo, trachisson li cambo esterlo, primo e boutisso, emé de ramo verticillado. Pèr la destria de Equisetum sylvaticum fau regarda li guèno que dèvon èstre à dènt negro emé quàsi pas de bord blanc. Li ramo soun emé quatre costo prefoundo e lou proumié tros dèu èstre mai long que la guèno.

Usanço :
Soun li mémis usanço pèr la veisselo que la counsòudo, Equisetum ramosissimum. Èi vertuouso pèr ajuda à pissa, pèr apasima li moureno e lucha contro li mau d'os (principe di signaturo : li tros di ramo s'embouiton coume lis os).

Port : Aubret
Taio : 15 à 70 cm
Fueio : ges
Tipe bioulougico : Geoufite
Cicle bioulougico : Planto renadivo

Gènre : Equisetum
Famiho : Equisetaceae

Ordre : Equisetales

Coulour de la flour : Ges de flour
Petalo : ges
Ø (o loungour) enflourejado : 1,5 à 5 cm
Flourido : Printèms

Sòu : Ca
Autour basso e auto : 0 à 2200 m
Aparado : Noun
Mars à mai

Liò : Ribiero - Prado umido - Palun - Ermas
Estànci : Coulinen à Subaupen
Couroulougi : Bourealo
Ref. sc. : Equisetum arvense L., 1753

Camamiho(-sènso-óudour)

Tripleurospermum inodorum

Asteraceae Compositae

Nom en français : Camomille inodore.

Descripcioun :
Aquelo camamiho a ges d'óudour, es uno planto de l'an gaire coumuno, pulèu grando, que trachis souvènt en group esquicha, dins lis ermas, proche d'aigo o encaro dins lis escoumbre. Coume li camamiho dóu gènre matricaria a ges d'escaume dins la flour coumpausado. Se recounèis peréu à si fueio primo e proun decoupado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 10 à 120 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Tripleurospermum
Famiho : Asteraceae
Famiho classico : Compositae

Ordre : Asterales

Coulour de la flour : Blanco Jauno
Petalo : >6
Ø (o loungour) flour : 2 à 3 cm
Flourido : Printèms - Estiéu

Sòu : Ca
Autour basso e auto : 0 à 2200 m
Aparado : Noun
Mai à setèmbre

Liò : Champ - Ribiero - Ermas - Escoumbre e proche dis oustau
Estànci : Mesoumediterran à Subaupen
Couroulougi : Éuropenco
Ref. sc. : Tripleurospermum inodorum Sch.Bip., 1844 (= Matricaria inodora L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Equisetum arvense & Tripleurospermum inodorum

Coumpara Co-de-mandro emé uno autro planto

Coumpara Camamiho(-sènso-óudour) emé uno autro planto